القائمة الرئيسية

الصفحات

تيكرز

سلسلة دردشة هندسية | الحلقة 1 الجسات

بسم الله الرحمن الرحيم


سلسلة دردشة هندسية | الحلقة 1 الجسات


سلسلة دردشة هندسية | الحلقة 1 الجسات

 

نبدأ مع مهندسينا الكرام وكل من يريد الاستفادة من مشرفين وفنيين وغيرهم في مجال المعمار

السرد هيكون أقرب ما يكون للغة العامية لسهولة ثبات المعلومة لدي القارئ حيث يتناول الدرس الاول معلومات عن الجسات

 الجسات هي أول مرحلة من مراحل الإنشاء حيث يمكن من خلالها إستكشاف طبقات التربة للوصول الي التربة الصالحة للتأسيس

المرحلة الأولي

لما بيتم استلام أرض فاضية وتحديد حدود الأرض من قبل هيئة المساحة الواقع في نطاقها الارض دي

بيتم اول حاجة وضع اربع اسياخ حوالين الارض يعني سيخ عند كل زاوية عشان لا نخرج بره حدود الارض ولا ندخل جوه حدود الارض

طيب

سؤال مهم ايه اول حاجة يعملها مهندس الموقع لما ينزل يعاين الارض ؟

-   بيبص علي ورق ملكية الارض انه سليم وتمام ويشوف المساحة المدرجة بأوراق ملكية الارض هي هي نفس اللي علي الواقع ولا فيه اختلاف

 

-  خلاص اتأكدنا ان الورق كله سليم نبدأ نبص علي الارض كدا نظره عامه هل فيه عوائق ولا لا فيه مصدر مياه صالحة للشغل ولا لا فيه مصدر للكهربا ولا هنشتغل بمولدات كهربا فيه مكان مهئ للمعدات تمشي فيه ولا لسه هنمهد كل دا فيه اماكن لتشوين المون والحديد ولا لا وهكذا

 

 

ملحوظة صغيرة في النقطة دي اختلاف مساحة الموقع بيعمل اختلاف في التجهيزات المطلوبة في الموقع

 

 

-   بعد النظرة العامة دي بيبدأ المهندس يحدد ان كان الحاجة دي كلها متوفره وواقفه بس علي انه ياخد التراخيص ولا هيجهز الحاجات دي من بره يعني لو مفيش مياه صالحه للشغل هيضطر يتفق مع موردين مياه لو مفيش كهربا هيجيب مولدات وهكذا

 

-   فيه ناس ممكن تقول ان اول حاجه يعملها المهندس بعد كده انه يدرس مستندات المشروع دي وجهة نظر لكن فيه حاجة اهم من كدا ويعتبر هي المرحلة الاولي بعد تجهيز الموقع وهي موضوع اول درس انهاردة في السلسلة دي

 

الجسات

الجسات عبارة عن حفر رأسية يتم عملها في أرض الموقع اللي هيتم عليه عملية بناء المنشأ فقط ودا لاستكشاف طبقات التربة الخاصة بالموقع دا لتحديد التربة الصالحة للتأسيس

طيب يعني ايه معني الجملة دي " في أرض الموقع اللي هيتم عليه عملية بناء المنشأ فقط"

دي معناها لو مثلا عندنا ارض مساحتها 600 متر مربع ونسبة البناء عليها 50 % يعني 300 متر مربع كدا هيتم عمل الجسات في حيز ال 300 متر اللي هبني عليهم فقط

طيب يابشمهندسين ممكن حد يسأل يقول طب ايه هي فوايد الجسات اصلا

ركز معايا

-   بعرف عن طريقها تسلسل طبقات التربة في الموقع  عن طريق عينات بنستخرجها هنشرحها كمان شويه

 

-  دكتور الاساسات في المعمل بيقدر من خلال العينات دي انه يجهزلنا تقرير التربة

 

كدا عرفنا فوايد الجسات نمشي بقا بالترتيب عشان المعلومات تبقا متسلسلة

 

قبل ما نعمل الجسة فيه شوية شروط كدا ليها

-  حساب عدد الجسات بيتم عمل جسة كل 300 متر مربع وعدد الجسات ميقلش علي اي حال عن جستين ومن الافضل الزيادة كمان

مصدر عدد الجسات طبقا للكود المصري

توزيع وعدد الجسات طبقا للكود المصري للأساسات

الحد الأدنى للجسات :

يمكن عمل جسة كل ٣٠٠ متر مسطح وبحيث لا يقل عن جستين لكل موقع

المنشآت الخفيفة وذات المساحات الكبيرة:

يتم عمل أربع جسات على الاقل عند الأركان وجسات داخلية عند اماكن الأساسات بحيث لا يقل

عدد الجسات عن جسة لكل ١٠٠٠ متر مسطح

المنشآت الكبرى ذات الأساسات المتقاربة:

يتم عمل الجسات بحيث تبعد كل جسة عن الأخرى مسافة ( ١٥ إلى ٢٠ متر ) في آلا الاتجاهين

 

 

 

يتبع..... 

 

عجبك الموضوع ؟

تعليقات